近排不斷想起這幾句金句，對我有很大影響......

身遠心莫離！

寸陰是惜！

非亦於人，乃亦於人！

近排無動力去寫日記，但今日想記低既係「我愛年青人」「我好想跟住上帝既應許去行」！-->做老師可以嗎？

我發現原來自己真係好唔鐘意出夜街！因為返到屋企既感覺實在太唔好！唔好到呢！又寂寞又失落！痴線架！以後都唔去呢d地方，又無乜野做又貴又無意義又建立唔到！不過當去見識一下都ok！太多真係不能夠！不過下次都唔知幾時，有幾可咁夜咁多精力呢？

整左兩條wires入去手指到，剛洗完傷口，眼見自己呢年不斷出入醫院而唔係球場，感覺難受！我已經難受左一年，三百六十五日，夠喇！我受夠！想點呀？我好想講，我想大聲講「我要做返一個運動員！」「我想做返康嘉文！」

今日係一個「大躍進」！對於我黎講係人生一個turning point...

因為今日見醫生、見physio做testing，我隻腳三個月前得返80%力，而家已經比起好0個隻腳既力還要多(110%)！好開心！拎住隻腳既report同拎住當年A Level張cert既感覺一樣。好正！覺得自己有d飄！

我記得有人講過話，如果你經歷緊低谷既時候，其實係prepare經歷下一次既人生低谷，下一次應該無咁辛苦既！嗯！都有d 0岩！今次我呢半年唔會有人明白有幾癲，有幾辛苦！真係痴線架！不過，守得雲開見月明！隊友九月必能與你們同在，並直到永遠！哈哈

快樂，不是每個人都能擁有，但能擁有其實又不容易，最難係知道自己已經擁有！

我知道我有！

姊妹，請放心！我無事！只係有d野無時間同你地表達，亦有時開開心心見到大家，費事做一個「怨婦」！所以無同大家分享，下次講比你地知丫！

呢幾日都返左英華幫手監考，其實都唔係d乜監考，只係派下卷同收下卷！最後呢排就聽左好多好多老師既心聲，對我真係有d啟發！Ms Man, Ms Chau教我揀男人要小心因為呢代既男孩子比較不負責任！Ms Wong有一大堆肺腑之言，對學校的負擔，對學生的要求等等！Mr Leung比我既目標啦，點行條路呢！Mr Huen哈哈好鬼幽默架佢！「有無搭360呀？千祈唔好搭！」佢亦同我分析前途問題！Ms Cheung所講既啟發「Capable person！」黃老師所講「行行出狀元！」田老師話「你係勤快，係唔勤力！」